អ្នកកាសែតយ៉ាងតិច ១៧០ នាក់ ត្រូវបានសម្លាប់ ក្នុងសង្គ្រាម នៅហ្កាហ្សា

អ្នកកាសែតយ៉ាងតិច ១៧០ នាក់ ត្រូវបានសម្លាប់ ក្នុងសង្គ្រាម នៅហ្កាហ្សា

ចេញផ្សាយនៅថ្ងៃទី២៨ ខែមីនា ឆ្នាំ២០២៥៖

សម្ព័ន្ធអង្គការសារព័ត៌មានអន្តរជាតិ Forbidden Stories បាន ផ្សាយ របាយការណ៍ ស៊ើប អង្កេត ថ្មី ស្តីពី ទុក្ខវេទនា របស់ អ្នក កាសែតដែល ធ្វើការ នៅ ក្រោម ផ្សែងភ្លើង សង្គ្រាម នៅ តំបន់ ហ្កាហ្សា។   នៅ ហ្កាហ្សា តាំងពីផ្ទុះសង្គ្រាម ជា ង មួយ ឆ្នាំមកនេះ   អ្នកសារព័ត៌មាន យ៉ាងតិច ១៧០ នាក់ បាន ស្លាប់ បង់ជីវិត។

យុវជន Fadi al-Wahidi ជា អ្ន កកាសែតជនជាតិ ប៉ាឡេស្ទីន មិន ទាន់ ដឹង ថា ជើងទាំងគូ របស់ខ្លួន អាច ដើរ វិញ បានឬទេ។  បុរសវ័យ ២៥ឆ្នាំរូបនេះ រងរបួសធ្ងន់ធ្ងរ និងប្រឈម មុខ នឹង ពិការ អស់មួយ ជីវិត ពីព្រោះតែ គ្រាប់កាំភ្លើងរបស់ ទាហាន អ៊ីស្រាអែល ដែល បានបាញ់ ចំឆ្អឹង ក គឺនៅចន្លោះឆ្អឹងកងកកាំទីពីរនិងទីបី។ របួស ធ្ងន់ធ្ងរ នៅ ឆ្អឹងកនេះ នាំ ឲ្យ ប៉ះពាល់ ខួរ ឆ្អឹងខ្នង និងពាក់ព័ន្ធ ដល់ សរសៃជើងដែល អាច បណ្តាល ឲ្យ ខ្វិន ជើង ទាំង សងខាង។

សព្វថ្ងៃនេះ លោក Fadi al-Wahidi កំពុង តែ សម្រាក ព្យាបាល ក្នុង មន្ទីរពេទ្យ ក្រុង គែរ ប្រទេស អេហ្ស៊ីប។ រងរបួស កាលពីខែតុលា ឆ្នាំ២០២៤ ប៉ុន្តែ អ្នក ជំងឺ រូបនេះ ត្រូវរង់ចាំ ឬនិយាយបែបផ្សេង ត្រូវ ជាប់គាំងនៅ ដែនដី ប៉ាឡេស្ទីន ចំនួន ១២២ ថ្ងៃ ទើប គេអាច ដឹក យក គាត់ទៅ សង្គ្រោះ នៅ អេហ្ស៊ីប។ ការពន្យារពេល យឺតយូរនេះក៏ព្រោះតែ ទាហាន អ៊ីស្រាអែល ហាមឃាត់រូបគេ មិនឲ្យ ចាកចេញទៅ ព្យាបាល ជំងឺ ក្រោម ហេតុផល «សន្តិសុខ»។ ទីបំផុតទៅ អ្នក ជំងឺ ជាអ្ន កកាសែត រូបនេះ អាច ចេញទៅ មន្ទីរពេទ្យ ក្រុង គែរ បាន ក៏ព្រោះតែ មា នសំណើ អន្តរាគមន៍ ម្តងជាពីរដងពីសំណាក់អង្គការ ស៊ីវិល អ៊ីស្រាអែល មួយ ។

រឿង រ៉ាវទុក្ខសោករបស់ អ្នក កាសែត រូបនេះ បាន ត្រូវ សម្ព័ន្ធអង្គការសារព័ត៌មានអន្តរជាតិ Forbidden Stories ចុះផ្សាយ នៅថ្ងៃទី ២៧មីនា ដោយ បញ្ជាក់ថា លោក Fadi al-Wahidi បាន រងគ្រោះ នៅពេល បំពេញ ការងារថត បទយកការណ៍ ស្តីពី ដំណើរ ភៀសខ្លួន របស់ ពលរដ្ឋ ប៉ាឡេស្ទីន។ ពេល ដែល ទាហាន អ៊ីស្រាអែល បាញ់ ចំទៀត សោត រូបគេ មា នពាក់អាវអ្នក សារព័ត៌មាន សរសេរ អក្សរស្លាក « Press» ទៀតផង។

Forbidden Stories ក៏ ពាំនាំសម្តី របស់ អ្នក កាសែត ផ្សេងទៀត ដែល បញ្ជាក់ ថា ទាហានអ៊ីស្រាអែល បាញ់ លើអ្នក កាសែត បើទោះបីជា មាន ពាក់អាវ អ្ន កសារព័ត៌មាន និង មិន ថា នៅ ក្រៅ បរិវេណ សមរភូមិ នោះឡើយ ក៏ត្រូវប្រឈម នឹង គ្រាប់កាំភ្លើង ឬគ្រាប់ ប្លោង ដែរ ។ អ្ន កសារព័ត៌មាន មួយ ចំនួន ទៀត នៅ ហ្កាហ្សា បាន រៀបរាប់ថា យន្តហោះដ្រូន អ៊ីស្រាអែល ដែល បញ្ជាពីចម្ងាយ អាច មើលដឹងថា ពួក គេ ជាអ្នក កាសែត ដោយសារ មា នពាក់ អាវអ្ន កសារព័ត៌មាន ជា សម្គាល់ ក៏ប៉ុន្តែ ផ្ទុយទៅវិញ ពួក គេ ក៏ត្រូវដ្រូន នោះ បាញ់ ស្រោច ពីលើដដែល ។

ប៉ុន្មា នថ្ងៃ មុន ចេញផ្សាយ របាយការណ៍ ស្តីពី ទុក្ខវេទនារបស់អ្ន កកាសែត នៅហ្កាហ្សានេះ អ្នក កាសែត ជាតិ ប៉ាឡេស្ទីន ម្នាក់ទៀត គឺលោក Hossam Shabat ដែល ធ្វើការ ឲ្យ បណ្តាញ ព័ត៌មាន កាតា Al Jazeera ក៏ បាន រងរបួស ព្រោះតែ គ្រាប់ ប្លោង របស់ ទាហាន អ៊ីស្រាអែល ដែល បាញ់ សំដៅ ឡាន របស់គាត់ នៅ ទឹកដីប៉ាឡេស្ទីន ត្រង់ ចំណុច Beit Lahya ។

ក្នុង ចំណោម ប្រព័ន្ធផ្សព្វផ្សាយ អន្តរជាតិ ជាង ១០ ស្ថាប័ន ដែល ចូលរួម ស៊ើបអង្កេត ក្នុង គម្រោង រាយការណ៍ ពី សង្គ្រាម ហ្កាហ្សា។ គម្រោង Gaza Projet នេះ ប្រមូល ផ្តុំ ក្រុម អ្ន កកាសែត ជំនាញស៊ើបអង្កេត និង អ្ន កជំនាញ ជាង ៤០នាក់ ដែល ជា គំនិត ផ្តួ ចផ្តើម របស់ សម្ព័ន្ធ អង្គការសារព័ត៌មានអន្តរជាតិ Forbidden Stories មូលដ្ឋាន នៅក្រុង ប៉ារីស៕

Nº.0574