ជនជាតិថៃ ១១៩នាក់ពាក់ព័ន្ធការឆបោកតាមអ៊ីនធឺណិតត្រូវបានបណ្ដេញចេញពីកម្ពុជា
ចេញផ្សាយថ្ងៃទី០២ ខែមីនា ឆ្នាំ២០២៥៖
ជនជាតិថៃចំនួន ១១៩នាក់ (ស្រី ៥៨នាក់) ត្រូវបានបណ្ដេញចេញពីកម្ពុជានៅព្រឹកថ្ងៃទី១ ខែមីនានេះ ពាក់ព័ន្ធនឹងសកម្មភាពការលួចចូលមករកស៊ីនិងស្នាក់នៅខុសច្បាប់ ជាពិសេសប្រព្រឹត្តអំពើការឆបោកតាមអ៊ីនធឺណិត ឬ អនឡាញខុសច្បាប់។
អគ្គនាយកដ្ឋានអន្តោប្រវេសន៍នៃក្រសួងមហាផ្ទៃបានឲ្យដឹងថា ពួកគេត្រូវបានបណ្ដេញចេញតាមច្រកទ្វារព្រំដែនអន្តរជាតិប៉ោយប៉ែត។ ពួកគេត្រូវបានគណៈបញ្ជាការដឹកនាំស្រាវជ្រាវ ស៊ើបអង្កេត និងបង្ក្រាបបទល្មើសគ្រប់ប្រភេទ ឃាត់ខ្លួនកាលពីថ្ងៃទី២២-២៣ ខែកុម្ភៈ នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
Nº.0480
