បុរសវ័យចំណាស់ម្នាក់ បានកាប់ប្រហារប្រពន្ធខ្លួនរហូតដល់ស្លាប់នៅនឹងកន្លែង
ចេញផ្សាយថ្ងៃទី២៣ ខែកុម្ភ: ឆ្នាំ២០២៥
(បាត់ដំបង)៖ បុរសវ័យចំណាស់ អាយុ ៧០ឆ្នាំម្នាក់ បានកាប់ប្រហារប្រពន្ធខ្លួនរហូតដល់ស្លាប់នៅនឹងកន្លែង ហើយបន្តទៅកាប់កូនស្រីរបស់ខ្លួនចំនួន ២នាក់ទៀតបណ្តាលឱ្យរងរបួស តែត្រូវបានសាច់ញាតិជួយសង្គ្រោះទាន់ កាលពីវេលាម៉ោង ២:០០នាទីយប់ទៀបភ្លឺ ថ្ងៃទី២២ ខែកុម្ភ: ឆ្នាំ២០២៥ នៅត្រង់ចំណុចក្រុមទី១ ភូមិផ្អៀង ឃុំកកោះ ស្រុកមោងឫស្សី ខេត្តបាត់ដំបង។ ជនសង្ស័យមានឈ្មោះ មុំ ហុង និងជនរងគ្រោះជាប្រពន្ធឈ្មោះ ថឿង អែម អាយុ ៣៨ឆ្នាំ រស់នៅភូមិផ្អៀង ឃុំកកោះ ស្រុកមោងឫស្សី ខេត្តបាត់ដំបង។ ករណីនេះ បុរសជាប្តីបានយកកាំបិតខ្វែវកាប់ដោយសារភ្លើងប្រចណ្ឌ។
Nº.0471
