ភ្នំពេញៈ លោកស្រីម៉ន ដានី ម្ចាស់ក្រុម ហ៊ុ ន ម៉ន ដានី រៀលអ៊ីស្ទេត ត្រូវបានបញ្ជូនទៅតុលាការរាជធានី
ភ្នំពេញនៅម៉ោង២ រសៀល ថ្ងៃ សុក្រ ទី១៧ ខែកមរានេះ ក្រោយ ពីត្រូ វ បា ន ឃាត់ខ្លួន ពេលត្រឡប់មកពីប្រទេសថៃវិញ តាមច្រកទ្វារអន្តរជាតិអូរស្មាច់ ក្នុង ខេត្ត ឧត្តរ មាន ជ័យ ពាក់ព័ន្ធ ទៅនឹង ការ ចេញ សែក ស្អុយ។
លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌបានមានប្រសាសន៍ថា៖«នគរបាលបញ្ជូនទៅអយ្យការ [សា លា ដំបូងរាជធានភ្នំពេញ]នៅ ម៉ោង ២ បន្ទាប់ពីឃាត់ខ្លួនបានកាលពីយប់ថ្ងៃទី១៦ ពេលដែលចេញពីប្រទេសថៃមកវិញ»។
ចៅក្រមស៊ើបសួរសាលាដំបូងរាជធានីភ្នំពេញ លោកលិ សុខាបានចេញដីកាបង្គាប់ឱ្យនាំខ្លួន លោកស្រីម៉ន ដានីអាយុ៣៩ឆ្នាំ កាល ពី ថ្ងៃទី ១១ ខែតុលា ឆ្នាំ២០២៤កន្លងមក ដោយយោងទៅតាម ដីកាសន្និដ្ឋានបញ្ជូនរឿងឱ្យស៊ើបសួរលេខ ២៩៣៩ អ.យ.ក ចុះ ថ្ងៃ ទី ២៨ ខែមិថុនា ឆ្នាំ២០២៤ របស់តំណាង អយ្យការអមសាលាដំបូងរាជធានីភ្នំពេញ។
ដីកាបានសរសេរថា ឈ្មោះ ម៉ន ដានី ត្រូវបានចោទប្រកាន់ពីបទ«មិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្ត នៅរាជធានីភ្នំពេញ កាលពីថ្ងៃទី១៣ ខែឧសភា ឆ្នាំ២០១៣ បទល្មើសដែលមានបញ្ញត្តិឱ្យផ្តន្ទាទោសតាមមាត្រា២៣១ នៃច្បាប់ ស្តី ពីឧបករណ៍អាចជួញដូរបាននិងប្រតិបត្តិការទូទាត់ប្រាក់»។
លោកស្រីម៉ន ដានី កើតថ្ងៃទី ១៣ ខែសីហា ឆ្នាំ១៩៨៥ និងមានអាស័យដ្ឋាន ភូមិតាអិន សង្កាត់ស្នោរ ខណ្ឌកំបូល រាជធានីភ្នំពេញ និង ភូមិត្រពាំងអណ្តូង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
ដីកាដដែលនេះបានបញ្ជាក់ ថា៖« ដើម្បី ធានា ដល់ ការ ស៊ើ បសួ រឱ្យ បា ន ពេញលេញគប្បីសម្រេច នាំខ្លួន ឈ្មោះ ម៉ន ដានី មកចំពោះមុខចៅក្រមស៊ើបសួរដើម្បីបំភ្លឺការពិត។ ហេតុដូច្នេះសម្រេច បង្គាប់ ឱ្យ កងកម្លាំងសាធារណៈ ចាប់ និងនាំខ្លួន ឈ្មោះ ខាងលើនេះ មកប្រគល់ជូនសាលាដំបូងរាជធានី ភ្នំពេញ ដើ ម្បី ចាត់ការតាមច្បាប់»។
កាលពីដើមឆ្នាំ២០២៤កន្លងមក លោកចៅក្រមស៊ើបសួរ លិ សុខា ក៏បានចេញដីកាឱ្យចាប់ខ្លួនលោកស្រី ម៉ន ដានីផងដែរ ក្រោយពី ត្រូវ បានតុលាការចេញដីកាបង្គាប់ឱ្យចូលខ្លួនចំនួនបីលើក ប៉ុន្តែជនត្រូវចោទរូបនេះមិនបានចូលទៅ បង្ហាញ ខ្លួន តាម កាល កំណ ត់រ ប ស់តុ លា ការនោះឡើយ។
យោងតាម និយ័តករអាជីវកម្មអចលនវត្ថុនិងបញ្ចាំបានឱ្យដឹងថា ពលរដ្ឋរាប់ពាន់គ្រួសារបានរងគ្រោះពីគម្រោងអភិវឌ្ឍន៍ របស់ ក្រុម ហ៊ុ ន ម៉ន ដានី រៀលអ៊ីស្ទេត ឯ.ក។ ក្នុងនោះមានទាំងម្ចាស់ដី ដែលបានលក់ដីឱ្យក្រុមហ៊ុន និងអតិថិជនរបស់ក្រុមហ៊ុន ដែល បាន បង់ ប្រាក់ផ្តាច់ និង បង់ រំលស់ ផងដែរ៕
Nº.0355
