រឿងឧកញ៉ា អែល សារ៉ុម ប្តឹងទាមទារឱ្យបុរីមនោរម្យព្រែកតាទែន ដែលមានអ្នកឧកញ៉ា ផាត់ ប៊ុន ជាអគ្គនាយក គោរពតាមកិច្ចសន្យានោះ ត្រូវតុលាកាចេញដីកាកោះហៅជាលើកទី២
ភ្នំពេញ៖ បន្ទាប់ពីលោកឧកញ៉ា អែល សារ៉ុម បានដាក់ពាក្យប្តឹង នៅសាលាដំបូងរាជធានីភ្នំពេញ ប្តឹងបុរីមនោរម្យព្រែកតាទែន ដែលមានអ្នកឧកញ៉ា ផាត់ ប៊ុន ជាអគ្គនាយក ដើម្បីទាមទារឱ្យភាគី បុរីគោរពតាមកិច្ចសន្យា កាលពីថ្ងៃទី២៣ កញ្ញា ២០២៤ កន្លងមកដែលមានមហាជន ជាច្រើនកំពុងរង់ចាំមើលនោះ ពេលនេះសាលាដំបូងចេញដីកាកោះហៅជាលើកទី២ គឺឱ្យសាមីខ្លួនចូលបំភ្លឺនៅថ្ងៃទី៥ ខែធ្នូ ឆ្នាំ២០២៤ ពោលគគឺរយៈពេល១ថ្ងៃទៀតនេះ។ នេះបើយោងតាមដីកាកោះចុះថ្ងៃទីថ្ងៃទី១៩ ខែធ្នូ ឆ្នាំ២០២៤ ដែលចុះហត្តលេខា ដោយ ចៅក្រម សាយ សម្ភស្សសេរី ក្នុង«នីតិវិធីត្រៀម»។
យោងតាមដីកាកោះរបស់ចៅក្រម សាយ សម្ផស្សសេរី ចៅក្រមសាលាដំបូងរាជធានីភ្នំពេញ ដែលអង្គភាពយើងទទួលបាននៅថ្ងៃ០៤ ខែធ្នូ ឆ្នាំ២០២៤ បានបញ្ជាក់ថា,យើង ចៅក្រម សាយ សម្ភស្សសេរី សូមអញ្ជើញឈ្មោះ អែល សារ៉ុម ភេទប្រុស កើតឆ្នាំ១៩៨៨ ជនជាតិខ្មែរ សញ្ជាតិខ្មែរ ជាដើមចោទ អាសយដ្ឋានស្ថិតនៅផ្ទះលេខ១០១ហ្សិត ផ្លូវលេខ៣៦៤ ភូមិ៤ សង្កាត់ច្រាំងចំរោះទី១ ខណ្ឌឬស្សីកែវ រាជធានីភ្នំពេញ។ ប្ដឹងសុំសាលក្រមទាមទារប្រាក់ សំណុំរឿងក្តីលេខ ២២៤៦ ចុះថ្ងៃទី២៣ ខែកញ្ញា ឆ្នាំ២០២៤ ។
ដោយដើមចោទឈ្មោះ អែល សារ៉ុម ភេទប្រុស កើតឆ្នាំ១៩៨៨ ជនជាតិខ្មែរ ។ និងចុងចម្លើយ ក្រុមហ៊ុន B&BM Development Co,Ltd តំណាងដោយលោក លី អេរ៉ូ ។
សូមរំលឹកផងដែថាកាលតុលាកាចេញដីកាកោះហៅលើកទី១តំណាងក្រុមហ៊ុន B&BM Development Co,Ltd លោក លី អេរ៉ូ បានដាក់ពាក្យសុំប្តូរកាលបរិច្ឆេទនីតិវិធីត្រៀមសម្រាប់ទាញយកហេតុផលរបស់សាលាដំបូងរាជធានីភ្នំពេញ ទៅថ្ងៃក្រោយវិញដោយសារតែលោកមានភារកិច្ចចាំបាច់ត្រូវចូលរួមប្រជុំនៅក្រុមហ៊ុន នេះបើតាមយោងលិខតសុំប្តូរកាលបរិច្ឆេទរបស់ឈ្មោះ លី អេរ៉ូ ជាតំណាងក្រុមហ៊ុនចុះថ្ងៃទី២៨ ខែតុលា ឆ្នាំ២០២៤។ យើងចាំមើលថាដីកាកោះរបស់តុលាកាលើកទី២នេះតើតំណាងក្រុមហ៊ុន B&BM Development Co,Ltd លោក លី អេរ៉ូ សុំប្តូរកាលបរិច្ឆេទនីតិវិធីត្រៀមសម្រាប់ទាញយកហេតុផលរបស់សាលាដំបូងរាជធានីភ្នំពេញទៀតដែឬទេ? ៕
7news
Nº.0208
