តុលាការ ព្រហ្មទណ្ឌ អន្តរជាតិ ចេញ ដីកា ចាប់ខ្លួន លោក នាយករដ្ឋមន្ត្រី អ៊ីស្រាអែល នេតាន់យ៉ាហ៊ូ
តុលាការព្រហ្មទណ្ឌអន្តរជាតិក្រុងឡាអេ បានចេញដីកា តាមចាប់ខ្លួន លោក នាយករដ្ឋមន្ត្រីអ៊ីស្រាអែល បេនចាមីន នេតាន់យ៉ាហ៊ូ និងលោក អតីតរដ្ឋមន្ត្រីការពារជាតិអ៊ីស្រាអែល យ៉ោវ ហ្កាឡន់ត៍ ដោយ ចោទ ពី បទ ឧក្រិដកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ ។ រដ្ឋាភិបាល អ៊ីស្រាអែល បានច្រានចោលភ្លាម នូវដីកានេះ ដោយចាត់ទុកថាតុលាការព្រហ្មទណ្ឌអន្តរជាតិ លែងមាន ន័យអ្វីទៀតហើយ ។ នៅក្នុងដីកាមួយដាច់ដោយឡែក តុលាការ ក្រុងឡាអេ ក៏បានប្រកាសតាមចាប់ខ្លួន មេក្លោធំម្នាក់ របស់ក្រុមហាម៉ាស ឈ្មោះ ម៉ូហាម៉េដ ឌីហ្វ ពីបទឧក្រិដ្ឋ ដូចគ្នា ។
នៅរសៀលថ្ងៃព្រហស្បតិ៍ ទី ២១វិច្ឆិកា តុលាការ ព្រហ្មទណ្ឌអន្តរជាតិក្រុងឡាអេ បាន ចេញសេចក្តី ប្រកាស បញ្ជាក់ថាតុលាការបាន ចេញដីកា តាមចាប់ខ្លួន លោក នាយករដ្ឋមន្ត្រីអ៊ីស្រាអែល បេនចាមីន នេតាន់យ៉ាហ៊ូ និ ងលោក អតីតរដ្ឋមន្ត្រីក្រសួងការពារជាតិអ៊ីស្រាអែល យ៉ោវ ហ្កាឡន់ត៍ ។ អ្នកទាំងពី រ ត្រូវតុលាការព្រហ្មទណ្ឌអន្តរជាតិ ចោទពី បទ “ឧក្រិដ្ឋកម្មសង្គ្រាម” និង “ឧក្រិដ្ឋកម្មប្រឆាំងមនុស្សជាតិ ” ប្រព្រឹត្តនៅរវាងពី ថ្ងៃទី ៨តុលា២០២៣ យ៉ាងហោច រហូតដល់ ថ្ងៃទី ២០ ឧសភា២០២៤ ថ្ងៃដែល ពាក្យបណ្តឹងបានទៅដល់ ដៃតុលាការ។
នៅក្នុង ដីកាមួយទៀតដាច់ដោយឡែក តុលាការព្រហ្មទណ្ឌអន្តរជាតិ បាន ប្រកាសចាប់ខ្លួន មេក្លោងធំម្នាក់ របស់ក្រុមហាម៉ាស ឈ្មោះ ម៉ូហាម៉េដ ឌី វ ពីបទ “ឧក្រិដ្ឋកម្មប្រឆាំងមនុស្សជាតិ” និង “ឧក្រិដ្ឋកម្មសង្គ្រាម ” ដែល បានប្រព្រឹត្តធ្វើទៅនៅលើទឹកដីអ៊ីស្រាអែល និង ប៉ាឡេស្ទីន ចាប់ពីថ្ងៃទី ៧តុលា ២០២៣។
លិខិត ប្រកាសរបស់ តុលាការ ក្រុងឡាអាបាន ឲ្យ ដឹងផងដែរថាតាមពិត ដីកា តាមចាប់ខ្លួនទាំង ២នេះ គឺជាដីកាសម្ងាត់ ។ ក៏ប៉ុន្តែដើម្បីគោរព ទៅដល់អត្ថប្រយោជន៍ របស់ជនរងគ្រោះ និង ក្រុមគ្រួសារទាំងអស់ តុលាការបានសម្រេចចិត្ត ប្រកាសដំណឹងនេះ ឲ្យ មហាជនបានដឹងឮ។
គួរបញ្ជាក់ថា កាលពី ខែ ឧសភា លោកការីម ខាន់ អគ្គរដ្ឋអាជ្ញាតុលាព្រហ្មទណ្ឌអន្តរជាតិបានស្នើសុំឲ្យតុលាការចេញដីកាតាមចាប់មេក្លោងធំរបស់ ក្រុមហាម៉ាសជាច្រើននាក់ ក្នុងនោះមាន ម៉ូហាម៉េដ ឌី វ អ៊ីស្មាយ អានីយេហ និង យ៉ាហយ៉ា ស៊ីនូអារ។ ក៏ប៉ុន្តែ បន្ទាប់ពី ក្រុមហាម៉ាសបានអះអាងថា អ៊ីស្មាយ អានីយេហ និង យ៉ាហយ៉ា ស៊ីនូអារត្រូវបានកងទ័ពអ៊ីស្រាអែលសម្លាប់ តុលាការក្រុងឡាអេ ក៏បោះបង់ដីកាចាប់ខ្លួនវិញ ទុកតែដីកាចាប់ ម៉ូហាម៉េដ ឌី វ តែម្នាក់ ប៉ុណ្ណោះ ។ ដោយ ឡែក កងទ័ពអ៊ីស្រាអែល បានអះអាងថា ម៉ូហាម៉េដ ឌី វ បានស្លាប់ ហើយ ក្នុងការវាយប្រហារមួយនៅថ្ងៃទី ១៣កក្កដា តែរហូតមកទល់ពេលនេះ ក្រុមហាម៉ាសនៅ តែមិនទាន់ ប្រកាស បញ្ជាក់ទេ ។
